[Hoffnung09]

6. März 2011

Liäbä Matthias

Hüt darfsch du di 6. Geburtstag fire.

Aui wo di ganz fescht gärn hei teile dä Momänt, und mir wei zäme mit dir fire.

A dim Geburtstag am 6.3.2005 hets gschneit.

Ja, hüt vor 6 Jahr hei mir Di um diä Zit scho ganz fescht i üsne Arme dörfe ha und beschtune.

Di Schalk, dis Lache und diner länge Haar. Du bisch eso einzigartig – unvergässlich. Aui hei di id Arme gno und gärn gha.

Dir geits guet, das wüsse mir.
Und das hesch du üs o geng gseit, dass es dir wird guet ga.

Du wosch üs glücklech gseh und gseh lache –
di letscht Wunsch. Mir versueche dä Wunsch ou zerfülle. Gib üs diä Zit.

Du hesch üs aune zeigt, was wichtig isch im Läbe.
U mir hei dini Wort zHärze gno.
Mir hei nume eis Läbe und genau Das Läbe cha so schnäu verbi si.

Eso wie du diner Ballön mit dine Grüess vorab gschickt hesch, schicke mir dir üsi Grüess und Gedanke zue und hoffe, du hesch Fröid dranne.

Matthias, üse stark, tapfere Kämpfer, mir wärde di nie vergässe, i üsne Härze blibsch du unvergässe.

Danke, dass du dSunne für üs hesch la schiine. Das het üs Wärmi i üsne Härze gä...