Der Weihnachtseinkauf


Sepp: Habe die Ehre, Karre! Kauf'st etwa a no was ei für Weihnachten?

Karre: Ja, aba jetz hab i meine G'schenkla endli beinander. Jetz trink i no in aller Ruh an Glühwein und nacha geh i heim!

Sepp: I hab no nix kauft. Glaubst, mir fallt einfach nix ei!

Karre: Mir ja normal a net, aba heier hab i Glück g'habt, weil mei Weib hat g'sagt, was sie will und mei Enkerl a!

Sepp: Ja, da tut ma sich natürli viel leichter, wenn einem des g'sagt werd.
Was hat sich denn nacha dei Frau g'wünscht?

Karre: Sie hat g'sagt, sie braucht dringend was glänzerts fürn Hals, weil, wenn mir amol eing'ladn sind zu am feina Anlass, da wos nobel zugeht, dann hat sie nix glänzerds fürn Hals, hats g'sagt. Und drum hab i ihra an silbernen Schal kauft.

Sepp: Da werds a Freud ham!

Karre: Des kannst laut sagn. Da bin i wieda da "King" bei ihr! Und im Angebot war es sogar a no, der Schal! 14 Euro neunzge!

Sepp: Jo, ganz guat!!! Und fürs Enkerl, was hast'n der kauft?

Karre: Für d'Dschenniffa (Jennifer) hab i die CD do kauft: "Die schönsten Marienlieder"!

Sepp: Ja, do schau her! Des möchst net glaubn, daß a so a Derndl (Mädchen) mit 15 Jahr für sowas no a Intresse hat.

Karre: Ja, ja, mi hats ja a g'wundert, aba sie hat selba g'sagt, sie möcht unbedingt a CD von da Madonna!



Na, dann viel Spaß der Dschenniffa und allen anderen hier!

Liebe Grüßle
Leni